book-icon Uitgawe ‘Modderkoekies’ met smaak

Sjokoladebrownies

akkreditasie
Donker, dekadent en klam soos romerige sjokoladekoek. Hierdie brownies maak harte warm.

Jy benodig

  • 450 g botter teen kamertemperatuur
  • 900 g suiker
  • 10 groot eiers
  • 170 g koekmeel
  • 170 g kakao
  • ’n knippie sout

Só maak jy

1 Voorverhit die oond tot 180 °C. Smeer ’n standaardgrootte oondbak met botter en bedek die bodem met bakpapier.

Gebruik’n elektriese klitser om die botter en die suiker saam tot klits tot die mengsel ’n ligte kleur kry. Klits die eiers een vir een by. 

Sif die meel, kakao en sout saam en roer dit by die eiermengsel in. Skep die deeg in die oondbak en bak dit vir 35-40 minute. Die brownies is reg wanneer jy ’n tandestokkie insteek en dit net-net skoon uitkom.

4 Laat die brownies afkoel en keer dit dan uit die oondbak. Sny dit in blokkies.

Weg Ry & Sleep sê: Vir nog méér bederf, voeg neute van jou keuse by die deeg, of probeer donker karamelsuiker, vir ’n nuwe geur.