Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stemme 09 Mei 2017 06:01

Peripatetikus [=tikusse, =tici], n. Iemand wat graag wandel.

Stemme 08 November 2016 06:00

Vir bykans ’n week spook die beeld al by my . . . Die fyn blonde meisietjie met die hartseer blou oë.

Stemme 16 Februarie 2017 09:45
Stemme 20 Oktober 2015 06:04

StarCool is ’n hoë-prestasie enjinverkoelervloeistof wat ontwerp is om optimale perdekrag uit ’n voertuig te kry. Hierdie hoë werkverrigtings- verkoelervloeistof sal die voertuig se enjinlewe beskerm en verleng. Ondergehalte verkoelervloeistof is ’n groot rede vir meer as 49% van alle enjinverkoeler-probleme. Die werklading op vragmotors se enjins is groot en die onderhoud op verkoelerstelsels word dikwels onderskat in die sin dat vlooteienaars dalk onder die indruk verkeer dat ’n blote aanvulling van verkoelervloeistof voldoende sal wees. Die realiteit is dat probleme ontstaan met substandaard kwaliteit van vloeistof

Stemme 20 Oktober 2015 06:04

Die Vaderhart van God (2)

Ons het verlede week gepraat oor die liefdevolle hemelse Vader wat ons as Christene het. Hierdie week kyk ons na Sy karaktertrekke sodat ons Hom beter kan leer ken. Ps.103:8 “Barmhartig en genadig is die Here, lankmoedig en groot van goedertierenheid.” Hierdie skrif is sommer ’n mondvol van God se goedheid. Soms dink mense God straf hulle as dit met hulle sleg gaan, maar Sy hart is presies die teenoorgestelde. Hy wil so graag vir ons help in ons benoudheid, maar dikwels doen ons maar ons eie ding terwyl Hy passievol toekyk en wag dat ons Hom vir Sy hulp moet vra. Ps. 34:19 “Die Here is naby hulle wat gebroke is van hart.” Hy is ook getrou en betroubaar – ons kan maar staatmaak op Hom. Num. 23:19 “God is geen man dat Hy sou lieg nie . . . sou Hy iets sê en dit nie doen nie, of spreek en dit nie waarmaak nie?” Dan. 9:14 sê God is regverdig in alles wat Hy doen en Hy het nie “witbroodjies” nie. Ons waarde is dieselfde voor Hom. Verder is Hy ons bewaarder want Hy beloof in Ps. 121 dat Hy ons sal bewaar van elke onheil. Soms vrees ons oor dinge en wanneer ons rustig raak en terugdink, dan besef ons maar net weer opnuut hoe Hy ons deur die jare beskerm het. Laastens, ons Vader vergeef maklik as ons met opregte hart berou het oor ons foute. Ps. 86:5 “Want U, o Here is goed en vergewensgesind en groot van goedertierenheid vir almal wat U aanroep.” Seënwense

Stemme 20 Oktober 2015 06:02

Die Malmesbury-museum bied ’n amateur fotografie-uitstalling aan van 6 tot 13 November. Die tema is Swartland Landskap. Enige amateurfotograaf (leerders of volwassenes) kan temawerke inskryf vir die uitstalling. Fotograwe mag ’n maksimum van drie geraamde of gemonteerde werke inskryf. Groottes moet wissel tussen 200 mm x 200 mm en A2 (420 mm x 594 mm). Die sluitingsdatum vir inskrywings is 2 November. Vir navrae of om in te skryf, bel vir Christine by die Malmesbury-museum op weeksdae tussen 09:00 en 13:00 by 022 432 2332

Stemme 20 Oktober 2015 06:02

Die Dienssentrum vir ouer mense beplan ’n pretdag vir bejaardes op 27 Oktober by die Dieprivier sportgronde op Malmesbury. Almal bo 60 jaar oud is welkom om deel te neem. Ander klubs vir bejaardes mag ook deelneem. Verskeie speletjies, onder meer die Dress Walk, Duck walk en Ring-the-stick sal gespeel word. Daar sal ook speletjies wees vir diegene in ’n rolstoel. Die dag begin om 09:00 en eindig na verwagting om 12:00. Daar sal nie ’n toegangsfooi vir deelnemers gevra word nie, en eetgoed en koeldrank sal te koop aangebied word. Toeskouers betaal slegs R5

Stemme 13 Oktober 2015 06:04

Met die eerste oogopslag, as na die nuutste misdaadstatistieke gekyk word, is ons nie veilig nie. Volgens misdaadstatistieke wat onlangs deur die polisie bekendgemaak is, het moord, ernstige aanrandings en huisbrake gestyg. Drankmisbruik en ander sosio-ekonomiese omstandighede in die gemeenskap dra egter volgens die polisie grootliks by tot geweldsmisdade. Polisiewoordvoerders is dit eens dat die meeste geweldsmisdade oor naweke plaasvind. Dit laat die gewone mens dalk ’n bietjie meer gerus voel, want die logiese gevolgtrekking is as mens ’n nugter, rustige lewe lei, die geweld vrygespring kan word. Dit is dus nie ons almal se probleem nie, of is dit? Die onmiddellike reaksie van baie mense sal wees om die kop in die sand te steek en die sosio-ekonomiese probleme, wat ons mede-inwoners teister, te ignoreer

Stemme 13 Oktober 2015 06:04

Kom ons kyk vir laas na die twee mense se lewenswandel: Lot •Daar was geen vordering op die pad van die Here nie. Geen geestelike groei, geen vordering in heiligmaking. •Net so bolangs en oppervlakkig

Stemme 13 Oktober 2015 06:04

Ek is van mening dit is in alle inwoners van die Swartland se belang dat padveiligheid bevorder moet word en dat oortreders raakgesien en aangemeld sal word. Die dae is verby dat mens gereeld verkeersbeamptes op hoofroetes gekry het wat besig was met sigbare polisiëring, veral dele van die N7 waar hoë ongelukslokaliteite bestaan. Die enigste wetstoepassingsaksie wat motoriste deesdae sien, is die spoedkamera langs die pad. Volgens my is die enigste doel van ’n spoedkamera om geld in te bring en dra geensins by tot padveiligheid nie. Dit is skokkend om te sien hoe word sperstrepe verontagsaam, voertuie verbygesteek in sig van aankomende verkeer sodat aankomende verkeer gedwing word om na sy linkerkant te beweeg om ’n botsing te vermy. Daar is net een manier om dit hok te slaan, en dit is voltydse verkeersbeamptes wat geen genade betoon en die padverkeerswet streng toepas

Stemme 13 Oktober 2015 06:04

Musiekliefhebbers kan vir die tweede agtereenvolgende jaar die Camphill Village musiekfees bywoon. Om alles te kroon is dit vir ’n goeie doel met hekgelde wat Camphill Village-inwoners se lewens beter sal maak. Wat die fees selfs nóg lekkerder maak, is dat die hele gesin dit kan bywoon. Camphill Village is ’n plaas naby Atlantis/Malmesbury waar ongeveer 90 verstandelik gestremde mense woon en werk. Verlede jaar was Camphill Village 50 jaar oud en is ’n musiekfees met kunstenaars soos Valiant Swart en Freshly Ground gehou om geld in te samel. Die fees was ’n groot sukses en dus het die organiseerders besluit om dit ’n jaarlikse instelling te maak. Die fees word Saterdag 31 Oktober gehou en kunstenaars soos Beatenberg, Just Jinger, Ottoman Slap, Bootleggers, Swallowers of Time en HemelBesem sal optree. Die partytjie skop om 13:00 af en eindig 19:00. Kaartjies is R200 en beskikbaar by www.webtickets.co.za. Toegang vir kinders onder 4 jaar is gratis en kinders onder 13 betaal R100. Wen met die Gazette: Een gelukkige leser kan ’n dubbelkaartjie na die fees wen

Stemme 13 Oktober 2015 06:02

MOORREESBURG - ’n Groep rampbestuurstudente van die Universiteit van Stenden, ’n Nederlandse instansie, met ’n tak in Port Alfred, het onlangs die rampbestuursentrum op Moorreesburg besoek. Die kursus in rampbestuur is ’n vier jaar lange kursus en verskaf opleiding oor die bestuur van hulpleniging tydens rampe. Die groep toer op die oomblik deur die Wes-Kaap om praktiese kennis op te doen oor rampbestuur. Die groep, onder leiding van hulle dosent, Pieter Smit, sê dit is die tweede jaar dat die kursus op hul kampus aangebied word

Stemme 06 Oktober 2015 06:04

•Rom. 6:1 - “Sal ons in die sonde bly, dat die genade meer kan word?” •Rom 6:2 - “Nee, stellig nie! Ons wat die sonde afgesterf het, hoe kan ons nog daarin lewe?” Tydens ’n geestelike kursus in die gemeente, merk een van die kursusgangers op: “As mens by die Here Jesus uitgekom het, dan wíl jy nie meer sonde doen nie.” Jy sal voorwaar ’n hart soos Abraham vir God hê en die Here voortdurend eerste stel in jou lewe en jy sal geseënd wees aan die einde. Abraham het sterk geëindig. Lot het nie sterk geëindig nie

Stemme 06 Oktober 2015 06:04

Die konferensie vir verantwoordelike toerisme wat onlangs gehou is, dien as inspirasie vir almal. Sakemense het vertel van die tegnologie en maatreëls wat hulle in plek gestel het om groener sake te doen. Om groen te leef en ’n groen onderneming te bedryf, is nie net ’n nuwe modegier nie. Dis die slim ding om te doen. Dis slim om vindingryke maniere te kry om te leef en sake te doen sodat die meeste uit bronne tot ons beskikking gehaal kan word. Waarom is dit nodig om die kopskuif te maak na ’n groener leefstyl? Of ons daarvan hou of nie, is ons onlosmaaklik verbind aan die natuur. Droogte beïnvloed almal, al is dit in die vorm van stygende kospryse vir die man en vrou wat in die stad bly en aan die einde van die voedselketting is. In winkels is talle boeke oor hoe om groener te leef vir diegene wat nie kennis dra nie. Die internet kan bladsye vol inligting verskaf oor hierdie onderwerp en dan is daar mense in ons gemeenskap wat uit eie ondervinding kan raad gee en wys hoe dit gedoen moet word

Stemme 06 Oktober 2015 06:01

MOORREESBURG - ’n Groot aantal afgevaardigdes in die toerismebedryf in die Weskus en die Wes-Kaap het Maandag 28 September op Piekenierskloof vergader vir ’n konferensie oor Verantwoordelike Toerisme. Onder die afgevaardigdes was Allan Winde, die Wes-Kaapse minister vir ekonomiese geleenthede en landbou. Winde het die belangrikheid van toerisme as werkskepper in die Wes-Kaap beklemtoon. Hy het die afgevaardigdes aangemoedig om verantwoordelike toerisme na nuwe hoogtes te neem. “Die manier waarop u kliënte behandel asook die omgee vir u omgewing is ewe belangrik,” het hy gesê. Die doel van die konferensie was om sakemense in die Weskus bewus te maak van die belangrikheid van verantwoordelike toerisme en die volhoubaarheid daarvan. Afgevaardigdes is in drie wegbreekgroepe verdeel. Elke groep het ’n spesifieke onderwerp gekry om te bespreek. Hier het gassprekers insette gelewer oor hul bydraes tot verantwoordelike toerisme oor die jare. Die klem het geval op produkte wat ’n positiewe impak op ekonomiese, sosiale en omgewingsvlakke lewer

Stemme 29 September 2015 06:12

MALMESBURY - Anke Claassen en Chloe Lottering, albei van Laerskool Swartland, het talle nominasies uitgestof om as Let’s Play- maandwenners gekies te word. Chloe is die wenner vir Augustus en Anke is September se wenner. Chloe Lottering (gr. 4) is ’n veelsydige atleet en blink uit in tweekamp, swem, atletiek, netbal, landloop en gimnastiek. Sy het vanjaar in atletiek én tweekamp tot by die SA kampioenskap deurgedring. Vir gimnastiek bring sy gereeld goue medaljes huis toe en is ook in die Wes-Kaap-gimnastiekspan opgeneem wat in Oktober aan die SA kampioenskap in Gauteng sal deelneem

Stemme 29 September 2015 06:08

Ek vra asseblief kan daar nie opgetree word teen die persone wie se diere langs die paaie in die Langeberg-munisipaliteit los loop nie? By party plekke is daar geen heinings wat die diere van die paaie af kan hou nie! As die diere nie gebrandmerk is met die eienaar se brandmerk op nie, moet die diere onmiddellik geskut word en die eienaar opgespoor word en alle kostes van hom verhaal word voordat die diere aan hom teruggegee word en hy moet ook ’n boete opgelê word. Sal daar eers opgetree word nadat daar byvoorbeeld ’n skoolbus vol kinders teen die loslopende diere vasry en daar lewensverlies en/of beseerdes is? Ek sal ook graag wil weet watter reg eienaars het om diere los te laat loop op munisipale eiendom

Stemme 29 September 2015 06:08

The people who live in and around Barry Street, especially the parking area in front of Shoprite, are being terrorised by inconsiderate people who drive cars with no silencers in this area at night. They stand in the parking area and rev their car engines until they scream, and do wheelies and scream off all night long. This happens every Saturday and some Sunday nights. This goes on all night until morning when the night club closes at 05:00. They also shout and scream, and play loud music and hoot all the time, and use the parking area as a toilet. These same cars scream around Robertson all day. One person has already been hurt. They scream up and down Barry Street. They do not stop at stop signs

Stemme 29 September 2015 06:08

I am proud to call myself a Robertson citizen. For the past 10 years my family and I have been living in this beautiful town. I have seen many properties being sold and restored to their former glory by their new owners, but on the other hand I have seen properties bought up by people who have no interest whatsoever in our town except for the fact that they can make money off people who have to rent property by charging ridiculous amounts. It is a known fact that there are very few properties for rent in Robertson and above-mentioned people take advantage of the fact. To make matters worse some of our so called “respected” property agencies are going along with this trend, which puts the property owners in a position to do as they want and get away with it!

Stemme 29 September 2015 06:08

Die wyse koning Salomo noem in die Bybel ’n paar baie interessante goed wat hy as te wonderbaar vind vir hom om te verstaan. In die daaglikse lewe is daar ook ’n hele paar goed wat ek ook soms moeilik vind om te verstaan. Die afgelope week of twee het ek by meer as een geleentheid die woorde “public servants” gehoor. Ek verstaan wat die woorde beteken. Wat ek egter moeilik vind om te verstaan is dat diegene wat hulself bereid verklaar het, of verleë genoeg was oor werk en hulself daarvoor ingelaat het om ’n “public servant” te wees, blykbaar vergeet het om dankbaar vir die werk te wees. Nou kom die onverstaanbare ding vir my. Hoekom is sommige mense wat in sulke poste werk dikwels so onvriendelik? Baie keer lyk dit amper of die persone agter die dienstoonbanke vir jou kwaad is as jy hul nader om hulp. Nie ’n vriendelike uitnodigende glimlag of ’n vriendelike woord nie. Liewer ’n frons of ’n vinnige opwaartse kopbeweging wat jy as “praat maar” moet ontsyfer

Laai Meer
Kontak Boland Gazette Kontak ons
Stemme

Hallo, jy moet ingeteken wees of registreer om artikels te lees.